عامر لیاقت کی تیسری اہلیہ دانیہ ملک کا اپنے خلاف ہونے والی عدالتی کارروائی پر رد عمل سامنے آیا ہے۔
دانیہ ملک کے خلاف ڈسٹرکٹ اینڈ سیشن جج کراچی جنوب کی عدالت میں ایک سماجی تنظیم نے درخواست دائر کی جس میں انہوں نے اپنا مؤقف اپنایا کہ عدالت وفاقی تحقیقاتی ایجنسی (ایف آئی اے) کو دانیہ ملک کے خلاف کارروائی کا حکم دے کیونکہ انہوں نے عامر لیاقت کی ویڈیوز سوشل میڈیا پر لیک کی تھیں۔
جس پر دانیہ ملک کا اپنے خلاف دائر درخواست پر رد عمل سامنے آیا۔ دانیہ کی جانب سے دعویٰ کیا گیا ہے کہ وہ اس وقت عدت میں ہیں، تاہم ان کے انسٹاگرام اکاؤنٹ سے ایک خاتون نے اُن کا پیغام سوشل میڈیا تک پہنچایا ہے۔
خاتون نے بتایا کہ دانیہ اس وقت عدت میں ہے اور اس کا کہنا ہے کہ میرے خاوند نے مجھے معاف کر دیا تھا، وہ ایک بہت بڑے عالم تھے اور اس نے کہا تھا کہ میری بیوی کے لیے گھر کے دروازے کھلے ہیں، انتقال سے چار دن پہلے بھی انہوں نے کہا تھا کہ میں صلح کرنا چاہتا ہوں۔
دانیہ نے پیغام دیا کہ کہاں لکھا ہےکہ میاں اگر بیوی کو معاف کردے اور اس کے مرنےکے بعد زمانہ بیوی کی گرفتاری کے پیچھے لگ جائے، اب کیسی گرفتاری، ایسا کون سا قانون ہے؟ میڈیا کی جانب سے بھی لوگوں میں میرے خلاف تفرت پھیلائی جا رہی ہیں۔
ویڈیو میں یہ بھی کہا گیا کہ باقی سوالوں کے جواب دانیہ عدت کے بعد دے گی۔