صدر مسلم لیگ (ن) نواز شریف نے اسٹیٹ لاؤنج علامہ اقبال انٹرنیشنل ایئرپورٹ کا افتتاح کردیا۔ وزیر دفاع خواجہ آصف اور وزیراعلیٰ پنجاب مریم نواز بھی ان کے ہمراہ تھیں۔
لاہور کے علامہ اقبال ایئرپورٹ پر نواز شریف، خواجہ آصف اور مریم نواز نے اسٹیٹ لاؤنج کا دورہ کیا، ڈی جی ایئرپورٹس اتھارٹی ایئر وائس مارشل ذیشان سعید نے ایئرپورٹ اپ گریڈیشن پراجیکٹ پر بریفنگ دی۔
انہوں نے بتایا کہ راوی لاؤنج، داخلی لابی، مین ہال اور دیگر حصوں کی تعمیر نو کی گئی، اسٹیٹ لاؤنج کو جدت کے ساتھ نئی اور خوبصورت شکل دی گئی۔