سوشل میڈیا پر کرنسی سے متعلق دلچسپ معلومات تو بہت ہیں لیکن کچھ ایسی ہیں جو کہ سب کی توجہ حاصل کر لیتی ہیں۔
ہماری ویب ڈاٹ کام کی اس خبر میں آپ کو ایک نئے کرنسی نوٹ کے بارے میں بتائیں گے۔
5 ہزار، 1 ہزار، 500 اور 100 کے نوٹ کے بعد اب ایک اور نوٹ کا اضافہ ہونے جا رہا ہے مگر اس نئے نوٹ کا اضافہ کچھ عرصے کے لیے ہی ہوا ہے۔
پاکستان میں 75 روپے کا نئے نوٹ کا اضافہ کیا جا رہا ہے، پہلی بار 5 روپے کے نوٹ کے بعد ایک اور پانچ کے ہندسے کا نوٹ سامنے آیا ہے۔
ذرائع کے مطابق فنانس ڈیویزن کی جانب سے اسٹیٹ بینک کو اس حوالے سے ہدایات بھی جاری کر دی گئی ہیں، البتہ 75 روپے کے نوٹ کی ڈیزائن تاحال سامنے نہیں آ سکا ہے۔
لیکن یہ نوٹ پاکستان کے 75 سال پورا ہونے کی خوشی میں جاری کیا جائے گا، اس نوٹ کی خاص بات یہ ہے کہ اس نوٹ پر جشن آزادی کا عنصر بھی نمایاں ہوگا اور پاکستان کے لیے ایک منفرد لمحہ ہوگا۔
اسی طرح مشہور شخصیات کی یاد میں بھی کئی سکے اور نوٹ سامنے آئے ہیں، جیسے کہ بے نظیر بھٹو کی یاد میں جاری کیا جانے والا 10 روپے کا سکہ جس پر محترمہ کی تصویر بھی موجود تھی۔