سندھ کے اسپتالوں کی خراب صورتحال دیکھ کر کوئی بھی وہاں علاج کرانے سے انکار کردے لیکن اب دیکھا گیا کہ ایک غیرملکی خاتون امریکہ سے علاج کروانے سندھ کے اسپتال پہنچ گئی۔
میڈیا رپورٹ کے مطابق جولی نیمن نامی خاتون سندھ کے گمبٹ میڈیکل انسٹی ٹیوٹ میں اپنے جگر کا علاج کروانے آئیں جو ان کے مطابق کامیابی کے ساتھ مکمل ہوا۔
امریکی خاتون شہری نے سندھ کے گمبٹ میڈیکل انسٹیوٹ میں علاج کے لیے آن لائن رجسٹریشن کروائی تھی۔
اس حوالے سے جولی نے سندھ کے اسپتال کرتے ہوئے کہا کہ اس اسپتال میں بہترین علاج کیا جا رہا ہے اور یہ دنیا کے ان تمام اسپتالوں سے بہتر ہے جہاں جہاں میں جا چکی ہوں۔ انہوں نے کہا کہ مذکورہ اسپتال پاکستان کے لیے فخر کا باعث ہے۔
امریکی خاتون کا کہنا تھا کہ اگر میں اپنے جگر کا علاج اپنے ملک سے کرواتی تو بہت وقت لگتا ، لیکن یہاں میرے علاج میں زیادہ خرچہ بھی نہیں آیا اور سستی سہولتیں بھی فراہم کی گئیں۔
ان کا کہنا تھا کہ یہاں میری سرجری فوری شیڈول ہوگئی میرے ملک میں یہ سرجری کروانا وقت طلب مرحلہ ہوتا ہے، میں نے یہاں چھوٹی بچیوں کو بھی جگر کے علاج کے لیے دیکھا ہے جبکہ امریکہ میں بچوں کو سالوں درد کش ادویات پر رکھا جاتا ہے۔