آپ نے زندگی میں کبھی نہ کبھی رکشے میں تو ضرور ہی سفر کیا ہوگا اور یہ بھی جانتے ہوں گے کہ چھوٹی سی اس سواری میں زیادہ سے زیادہ 3 لوگوں کی گنجائش ہی ہوتی ہے یا پھر کوئی بچہ گود میں بٹھایا جاسکتا ہے۔ لیکن بھارت کی ریاست اتر پردیش میں رکشے کے حوالے سے ایسا واقعہ پیش آیا ہے جس نے دنیا بھر کے سوشل میڈیا صارفین کو حیران کردیا ہے۔ ویڈیو دیکھیے
اس ویڈیو میں آپ دیکھ سکتے ہیں کہ کس طرح پولیس والا رکشے کے اندر بیٹھے افراد کو ایک ایک کر کے گن رہا ہے۔ یہ دیکھ کر پولیس والے کی حیرت کی انتہا بھی نہ رہی کہ اتنے سے رکشے میں بچے، بوڑھے سمیت 27 افراد سوار تھے۔
رکشے کو تیز رفتار سے سڑک پر جاتا دیکھ کر پولیس نے رکشے کا تعاقب کیا اور پھر رکشہ سواروں کی تعداد دیکھ کر منہ میں انگلیاں ہی داب لیں۔ واقعے کی ویڈیو سوشل میڈیا پر تیزی سے وائرل ہورہی ہے۔ جہاں کچھ لوگ اس واقعے کو غربت اور ٹریفک کے مسائل سے جوڑ رہے ہیں وہیں کچھ لوگ حیران ہو کر سوال کررہے ہیں کہ آخر اتنے لوگ اس رکشے میں بیٹھے کیسے۔