عمران خان ضمنی الیکشن جیتنے پر بہت خوش ہیں یہی وجہ ہے کہ انہوں نے اب ایک نظم شیئر کی ہے جو فیض احمد فیض کی ہے، جس کے بول کچھ یوں ہیں بس نام رہے گا اللہ کا۔ جو غائب بھی ہے حاضر بھی ہے۔ جو منظر بھی ہے ناظر بھی ہے۔ یہ نظم شیئر کرنے کے بعد لوگوں نے خان صاحب کو مبارکباد دی۔
مزید یہ کہ خان صاحب نے اپنے ایک ٹویٹ میں کہا کہ سب سے پہلے مسلم لیگ نواز کے امیدواروں ہی کو نہیں بلکہ پوری ریاستی مشینری خصوصاََ پولیس کے جبرو ستم اور مکمل طور پر ایک متعصب الیکشن کمشین کو شکست دینے پر پاکستان تحریک انصاف کے اپنے کارکنان اور پنجاب کے ووٹرز کا شکریہ ادا کرنا چاہتا ہوں۔
اس کے علاوہ عمران خان نے ایک اور ٹویٹ بھی کی جس میں اپنے اتحادی مسلم لیگ ق ، مجلس وحدت المسلمین، سنی اتحاد کونسل کا بھی شکر یہ ادا کیا۔