میڈیا کی معروف شخصیت اور سابق وزیر اعظم عمران خان کی سابقہ اہلیہ ریحام خان کا اپنی دوسری شادی سے متعلق ٹوئٹر بیان سامنے آیا ہے جس میں انہوں نے اپنے مشکل وقت کے بارے میں بتایا۔
ریحام خان نے ایک پوسٹ پر اپنی ٹوئٹ کی اور وہ پوسٹ امریکہ میں پاکستان خاتون فوٹوگرافر کے قتل کی تھی جس کا واقعہ دنیا بھر میں پھیلا۔
امریکی شہرشکاگو میں پاکستانی نژاد فوٹوگرافر ثانیہ خان کو مبینہ طور پر ان کے شوہر نے گولی مار کر اسی بندوق سے اپنی زندگی کا بھی خاتمہ کرلیا۔
اسی واقعے پر ریحام خان نے بھی اپنا رد عمل ظاہر کیا اور ٹوئٹ کی۔ اپنی ٹوئٹ میں انہوں نے دوسری شادی سے متعلق لکھا کہ مجھے طلاق لینے میں کئی سال لگے اور مجھے خاندان کی طرف سے کوئی تعاون حاصل نہیں تھا اور کمیونٹی میں میرا کوئی دوست بھی نہیں تھا۔
ریحام خان نے لکھا کہ اپنے آپ کو اور اپنے بچوں کو محفوظ رکھنے کے لیے میری جدوجہد پی ٹی آئی کے ٹرولنگ کے لیے مجھے گالی دینے کا بہانہ بن گئی ہے۔
انہوں نے کہا کہ میرے دوسرے شوہر نے بھی اسے میرے خلاف استعمال کیا۔ طلاق جرم نہیں بلکہ زندگی کا حق ہے۔
خیال رہے ریحام خان کی عمران خان سے دوسری شادی 6 جنوری 2015 میں ہوئی جبہ ختم اکتوبر 2015 کو ہوئی۔