اسپین میں مکانات کی بڑھتی قیمتوں، بلند کرایوں اور سستے گھروں کی قلت کے خلاف ہزاروں افراد نے سڑکوں پر نکل کر احتجاج کیا۔
خبر ایجنسی کے مطابق دارالحکومت میڈرڈ میں تقریباً 70 ہزار افراد نے مظاہرے میں شرکت کی اور حکومت سے سستے رہائشی مکانات کی فراہمی، بڑھتے کرایوں اور بے دخلی کے واقعات کی روک تھام کا مطالبہ کیا۔
ویلنسیا میں احتجاج کے دوران مظاہرین اور پولیس کے درمیان جھڑپیں بھی ہوئیں، پولیس نے مظاہرین کو منتشر کرنے کے لیے آنسو گیس اور ربڑ کی گولیاں استعمال کیں۔
مظاہرین نے مطالبات تسلیم نہ کیے جانے کی صورت میں مکمل ہڑتال کی دھمکی دیتے ہوئے حکومت سے رہائشی بحران کے فوری حل کا مطالبہ کیا۔