حکومت کی جانب سے پیٹرول کی قیمت میں کمی کردی گئی ہے جس کا اطلاق آج رات 12 بجے سے ہوگا۔ وزیر خزانہ مفتاح اسماعیل کی جانب سے جاری کردہ نوٹیفکیشن کے مطابق 3 روپے 5 پیسے کی کمی کے بعد اب فی لیٹر پیٹرول 227 روپے 19 پیسے کا ملے گا۔
ہائی اسپیڈ ڈیزل کی قیمت میں اضافہ
البتہ ہائی اسپیڈ ڈیزل کی قیمت میں 8 روپے 95 پیسے فی لیٹر اضافہ کردیا گیا ہے جس کے بعد ہائی اسپیڈ ڈیزل کی حالیہ قیمت 244 روپے 95 پیسے فی لیٹر تک جا پہنچی ہے۔
مٹی اور لائٹ اسپیڈ ڈیزل کی نئی قیمت
مٹی کے تیل کی قیمت بھی 4 روپے 62 پیسے فی لیٹر اضافے کے بعد بڑھ کر 201 روپے 7 پیسے فی لیٹر ہوچکی ہے جبکہ لائٹ ڈیزل آئل کی قیمت 12 پیسے کم کر کے 191 روپے 32 پیسے فی لیٹر کر دی گئی ہے۔