کہتے ہیں اپنے خوابوں کو پورا کرنے کی کوئی عمر نہیں ہوتی۔ اس مشہور محاورے کو سچ کردکھایا ایسے 2 بزرگوں نے جو 85 سال کے ہیں۔ بھارت سے تعلق رکھنے والے رادھا کرشنا اور شکنتلا چوہدری نے ایوی می ہربل کے نام سے ایسا برانڈ بنایا ہے جو لوگوں کے مختلف مسائل جڑی بوٹیوں کے ذریعے حل کرتا ہے۔ ان کا بزنس راتوں رات اتنا مشہور ہوگیا ہے کہ جوڑے نے گاڑی بھی خرید لی ہے جس کی ویڈیو سوشل میڈیا پر تیزی سے وائرل ہورہی ہے۔

تیل اور شیمپو میں شامل اجزاء کے نام

اس حوالے سے رادھا کرشنا اور شکنتلا کا کہنا ہے کہ وہ معیار پر کبھی سمجھوتہ نہیں کرتے۔ شیمپو اور تیل بنانے کے بعد انھوں نے 3 ماہ تک وہ چیزیں خود آزمائیں اس کے بعد دوستوں اور رشتے داروں میں تقسیم کیں۔ جب سب نے تعریف کی تبھی انھوں نے اپنی پراڈکٹس لانچ کرنے کا فیصلہ کیا۔ ان کی پراڈکٹس میں 50 سے زائد جڑی بوٹیاں اور تل، ناریل اور زیتون کا تیل وغیرہ شامل ہیں۔