تھاٸی لینڈ میں پیش آیا ہولناک واقعہ جب ایک 54 سالہ خاتون نے خود کو غلطی سے باتھ روم میں لاک کرلیا اور تین دن تک مدد کے لیے پکارتی رہی۔
بینکاک کی رہائشی خاتون 22 اگست کو باتھ روم میں لاک ہوئیں اور تین دن اندر ہی گزارے۔
جیسے ہی انہوں نے باتھ روم کا دروازہ بند کیا تو وہ لاک ہوگیا، خاتون کے پاس موباٸل فون بھی نہیں تھا کہ کسی کو کال کرلیتیں۔
وہ دروازہ بجاتی اور مدد کے لیے چیختی رہیں لیکن ان کی مدد کرنے کوئی نہ آسکا۔
پھر 3 دن تک وہ خاتون نل کا پانی پی کر کو صرف نل کا پانی پی کر گزارا کرتی رہیں، وہ شدید ذہنی دباؤ میں اپنی موت کا انتظار کرنے لگیں اور مختلف کریمز استعمال کرکے باتھ روم کی دیوار پر اپنا آخری پیغام بھی تحریر کر دیا۔
خوش قسمتی سے ان کی بہن نے کئی دن رابطہ نا ہونے پر پولیس کو گمشدگی کے حوالے سے رپورٹ کیا۔
پولیس اسکواڈ خاتون کے گھر پر آیا، جب کسی نے دروازہ نہ کھولا تو انہوں نے لوہے کا دروزہ پھلانگ کر گھر کی تلاشی لینے کا سوچا۔
پولیس خاتون کے گھر داخل ہونے میں کامیاب رہی اور باتھ روم کا دروازہ توڑ کر انہیں باہر نکالا۔
خاتون کو فوری طور پر قریبی اسپتال لے جایا گیا اور باتھ روم پر تحریر کردہ پیغام کی تصویر کھینچی۔
خاتون نے لکھا تھا کہ میں 22 اگست سے یہاں پھنسی ہوئی ہوں، جے لیک سے کہنا میری وصیت کا خیال رکھے، فلاں کی جائیداد فلاں کو دے دینا۔
میں صرف نل کے پانی پر زندہ ہوں، پانی نہیں ہوتا تو میں مرچکی ہوتی، میں نے دروازہ توڑنے کی کوشش کی، مدد کے لیے پکارا لیکن کسی نے مجھے نہیں سنا۔