پاکستان تحریک انصاف کے کارکن علی بلال کی پوسٹ مارٹم رپورٹ سامنے آگئی ہے۔
پوسٹ مارٹم رپورٹ میں بتایا گیا ہے کہ ان کی موت سر پر گہری چوٹ لگنے سے واقع ہوئی جبکہ ان کے جسم پر تشدد کے نشانات پائے گئے ہیں۔
رپورٹ کے مطابق مقتول علی بلال کے جگر اور لبلبہ میں خون جمع ہونا بھی موت کی وجہ بنا جب کہ دماغ میں خون جمع ہونے سے ان کا بلڈ پریشر انتہائی کم ہوگیا تھا۔علی بلال کی کھوپڑی کا ایک حصہ بری طرح سے متاثر ہوا تھا۔
یاد رہے کہ گزشتہ روز پی ٹی آئی کی ریلی کے دوران کارکن علی بلال کی موت واقع ہوئی تھی۔