معروف یوٹیوبر دانیال شیخ نے گزشتہ روز اپنے دادا کی گمشدگی سے متعلق پوسٹ کیا تھا کہ میرے دادا گمشدہ ہوگئے، لیکن اب سے کچھ گھنٹے قبل انہوں نے اپ ڈیٹ کی کہ دادا خیریت سے گھر پہنچ گئے ہیں۔ جزاک اللہ۔ آپ سب کا بہت بہت شکریہ میرے دادا کو ڈھونڈنے میں مدد کرنے کا اور دُعائیں کرنے کا۔ اللہ سب کو اِسکا اجر دے گا۔ اللہ سب کے والدین اور بزرگوں کی حفاظت فَرمائے۔
سوشل میڈیا کی طاقت کا اندازہ آپ چھوٹے پیمانے پر اسی بات سے لگا سکتے ہیں کہ کیسے کچھ ہی گھنٹوں میں گمشدہ شخص واپس مل گئے۔ ہم روزانہ سوشل میڈیا کا بھرپور استعمال کرتے ہیں لیکن کبھی اس کو اپنی مدد یا بہتری کے مقاصد میں استعمال کیوں نہیں کرتے؟ آج جن لوگوں کے پاس موبائل ہے اور وہ یہ تمام ایپلیکشنز استعمال کرتے ہیں تو انہیں چاہیے کہ اس سے مستفید ہوں، اس کو ضائع نہ کریں۔ دنیا جتنی تیزی سے تبدیل ہو رہی ہے ہمیں بھی خود کو تبدیل کرنا ہوگا، آج ملک کی معاشی حالت اس قابل نہیں کہ مزید اپنے نقصان کو تیار کیا جائے بلکہ آنے والے وقت اور حالات سے لڑنے کے لیے چھوٹے چھوٹے فن یا skills کو سیکھنا شروع کردیں۔
سوشل میڈیا کے ذریعے آپ نہ صرف اپنی پڑھائی کو جاری رکھ سکتے ہیں بلکہ دیگر کاموں کو سیکھا جا سکتا ہے۔ ایک دوسرے کی مدد کرکے نیکیاں بھی کمائی جا سکتی ہیں اور صرف یہی نہیں بلکہ قرآن پڑھا کر، سکھا کر لوگوں کو اس حوالے سے بھی مدد کی جا سکتی ہے۔