حالات چاہے کیسے بھی ہوں پاکستانی قوم ہر چیز کا جگاڑ نکال ہی لیتی ہے، اور کسی بھی چیز کو بےکار یا ضائع نہیں جانے دیتی۔ ایسا ہی کچھ اندرونِ سندھ میں ہوا، آئیے آپ کو بتاتے ہیں اس بار ہم پاکستانیوں نے کیا جگاڑ لگایا ہے۔
کل اندرونِ سندھ کے مختلف شہروں میں ژالہ باری ہوئی۔ حیدر آباد ، جامشورو اور گرد و نواح میں طوفانی بارش اور شدید ژالہ باری سے جہاں جانی و مالی نقصان ہوا وہیں شہریوں نے ان اولوں سے فائدہ بھی اٹھایا، جس کی ویڈیو وائرل ہوگئی۔
ویڈیو میں دیکھا جاسکتا ہےکہ شہری ژالہ باری کے بعد بڑے اولوں کو جمع کرکے پانی ٹھنڈا کرنے کے لیے انہیں صاف کر کے کولر میں ڈال رہے ہیں۔
گزشتہ روز کی ژالہ باری کے بعد اندرون سندھ سے سوشل میڈیا پر مختلف ویڈیوز سامنے آئیں ہیں، ان ویڈیوز میں شہریوں کو کہیں ہاتھ میں اولے اٹھائے دیکھا گیا تو کہیں اولے پڑنے کے بعد نقصان کے مناظر سامنے آئے۔