منال خان کا شمار شوبز انڈسٹری کی خوبصورت ترین اداکاراؤں میں ہوتا ہے۔ اس کی وجہ جہاں ان کا ناک نقشہ ہے وہیں صحت مند اور چمکتی ہوئی جلد بھی ان کے خوبصورتی کی بڑی وجہ ہے۔
حال ہی میں منال خان نے اپنی جلد کو خوبصورت بنانے والے روٹین پر ایک وی لاگ بھی بنایا ہے جسے ان کے مداح خوب پسند کررہے ہیں۔
اس ویڈیو میں منال نے اسکربنگ کے ساتھ جلد پر مختلف ماسک لگانے کے طریقے بتائے ہیں۔ منال نے کہا ان کی جلد تھوڑی خشک ہے اور اکثر سرخ رہتی ہے۔ انھوں نے کلے ماسک استعمال کرنے کے بارے میں کہا کہ اس میں بہت سے معدنیات ہوتے ہیں اور ہماری جلد کو معدنیات کی ضرورت ہوتی ہے۔
اس کے علاوہ انھوں نے ہونٹوں پر اسکرب کرنے کا فائدہ بھی بتایا کہ اس سے مردہ خلیات جھڑ جاتے ہیں اور ہونٹ نرم ملائم ہوجاتے ہیں۔
منال خان کا کہنا تھا کہ وی لاگ بنانے کے لئے ان کے شوہر اور اداکار احسن خان نے ان کی ہمت بندھائی لیکن اچانک احسن کمرے میں آئے تو منال نے انھیں کمرے سے جانے کے لئے کہا کیونکہ وہ وی لاگ بنا رہی تھیں۔ منال نے ہلکے پھلکے انداز میں احسن سے معذرت بھی کی۔