جانوروں سے ہمدردی کی باتیں تو اکثر لوگ کرتے ہیں مگر حقیقت یہی ہے کہ بہت کم لوگ واقعی میں ان بے زبانوں کا خیال رکھتے ہیں۔ لیکن صحرا میں نڈھال بیٹھے پیاسے اونٹ کے لئے یہ شخص تو فرشتہ ہی ثابت ہوا۔ ویڈیو دیکھیں
ویڈیو میں دیکھا جاسکتا ہے کہ کیسے شدید گرمی میں ایک اونٹ سر جھکائے نڈھال بیٹھا ہوا ہے۔ شاید اس نے اب پانی کی امید بھی چھوڑ دی تھی۔ ایسے میں ایک شخص پانی سے بھری بوتل لا کر اونٹ کے ہونٹوں سے لگاتا ہے تو اونٹ اس کی طرف دیکھتا ہے اور غٹاغٹ سارا پانی پی لیتا ہے۔ جس سے اس کی جان میں جان آتی ہے۔
اس ویڈیو بنانے والے شخص کا نام سسانتا نندا ہے اور ان کا تعلق بھارت سے ہے۔ سسانتا ٹوئٹر پر یہ ویڈیو شئیر کرتے ہوئے لکھتے ہیں کہ “گرمی سے بے حال اونٹ موت سے چند منٹوں کی دوری پر تھا۔ مہربان ڈرائیور پانی دیتا ہے اور اسے زندہ کرتا ہے۔ ہم گرمی کی غیر متوقع لہروں کا سامنا کر رہے ہیں۔ آپ کے پانی کے چند قطرے جانوروں کی جان بچا سکتے ہیں۔ ہمارے ساتھی جانداروں کے ساتھ ہمدردی رکھیں۔“