اللہ کی راہ میں ایک قدم بڑھاؤ تو آگے کی منزلیں رب کائنات خود آسان کرتا ہے۔ ایسا ہی ہوا اوکاڑہ سے مکہ تک کا پیدل سفر کرنے والے نوجوان عثمان ارشد کے ساتھ جنھیں حج کا ویزا بھی مل گیا۔
عثمان ارشد نے پاکستان سے سعودی عرب کا ٥٤٠٠ کلومیٹر کا سفر 6 ماہ 13 دن میں طے کیا۔ عثمان ارشد بلوچستان، ایران، متحد عرب امارات اور بحرین کا فاصلہ پیدل طے کرتے ہوئے سعودی عرب پہنچے۔ چلتے چلتے ان کے پیروں پر چھالے بھی پڑ گئے لیکن ان کا سفر اللہ کی راہ میں جاری رہا۔
واضح رہے کہ پہلے عثمان کے پاس صرف عمرہ کا ویزا تھا لیکن پاکستانی حج مشن نے کی مدد سے انھیں حج کا ویزا بھی مل گیا۔ اس وقت عثمان عازمین حج کے لئے بنائی گئی مخصوص سرکاری رہائش گاہوں میں قیام پذیر ہیں۔
عثمان نے اپنے سفر کا آغاز 1 اکتوبر 2022 کو کیا تھا اور وہ 13 اپریل 2023 کو سعودیہ پہنچے۔ اس دوران وہ اپنے سفر اور پیش آنے والے واقعات کے وی لاگز بناتے رہے۔