گرمی کے ساتھ بجلی کا استعمال بھی بڑھ جاتا ہے اور جب بل دیکھتے ہیں تو پچھتاوا ہوتا ہے کہ کیوں اتنی بجلی استعمال کی۔ لیکن کیا کریں گرمی کے موسم میں پنکھوں، فریج اور اے اسی استعمال کرنا ضروری ہوجاتا ہے۔ اس آرٹیکل میں ہم چند ایسے طریقے بتائیں گے جن سے آپ بجلی بھی استعمال کریں گے اور بل بھی زیادہ نہیں آئے گا۔

انرجی سیورز

عام بلب کی جگہ ایل ای ڈی لائٹس یا انرجی سیور استعمال کریں۔ یہ تھوڑے مہنگے ہوتے ہیں لیکن بجلی کی بچت کرتے ہیں اور پائیدار بھی ہوتے ہیں

سوئچ بند کردیں

عام طور پر لوگ ٹی وی اور اے سی کو ریموٹ سے بند کردیتے ہیں جبکہ ان کا سوئچ آن رہتا ہے۔ اس طرح نہ صرف بجلی ضائع ہوتی ہے بلکہ اپلائنسز کے پھٹنے اور خراب ہونے کا خدشہ بھی رہتا ہے۔

اے سی 26 پر چلائیں

اے سی کا ایک درجہ کم کرنے سے 6 فیصد بجلی کی بچت ہوتی ہے۔ کوشش کریں کہ معمول کے درجہ حرارت سے تھوڑا بڑھا کر چلائیں تاکہ بجلی کے بل میں کمی آئے۔ ماہرین 26 ہر چلانے کی تجویز دیتے ہیں۔ اس کے علاوہ مسلسل اے سی چلانے کے بجائے وقفہ دیں

فریج کی جگہ

فریج کو ایسی جگہ رکھیں جہاں گرمی اور تیز روشنی یا دھوپ نہ آتی ہو۔ ان سے فریج کی باڈی خراب ہوتی ہے بلکہ چیزیں ٹھنڈی کرنے کے لیے فریج کو زیادہ بجلی بھی استعمال کرنی پڑتی ہے۔

پیک آورز

شام 7 سے رات 11 تک پیک آورز ہوتے ہیں اس دوران فریج، استری، موٹر اور اے سی بند رکھیں صرف ایک دو انرجی سیور اور پنکھا چلائیں۔