پولیس ہماری محافظ ہے ۔۔ لیکن کچھ لوگوں کا منفی رویہ پولیس کی شان میں گستاخی کر جاتا ہے۔ ہم نے آج تک پولیس والوں کی برائیاں تو زیادہ سے زیادہ سنی ہوں گی لیکن ان کا ماحول دوست رویہ کم ہی دیکھنے میں آتا ہے۔ سولجر بازار کے ایس ایچ او شبیر حیدر بھی اپنے دوستانہ رویے کی وجہ سے علاقے میں بہت مشہور ہیں۔
یہ دار السکون گئے اور وہاں پر موجود بزرگوں سے ملاقات کی۔ ہر کسی سے انفرادی و اجتماعی طور پر ملے، ان کا احوال جانا اور پوری ٹیم کی جانب سے بزرگوں کے لیے طعام کا بھی اہتمام کیا گیا۔ ان کا یہ رویہ وہاں موجود تمام لوگوں کو خوب بھایا۔ ہر ایک نے ان کو سلامتی و کامیابی کی دعائیں دیں۔