لندن: وزیر اعظم شہباز شریف نے کہا ہے کہ دعا کریں جلد عالمی مالیاتی ادارے (آئی ایم ایف) کے ساتھ معاملات طے پائیں۔
وزیر اعظم شہباز شریف ایون فیلڈ پہنچے اور سابق وزیر اعظم شہباز شریف سے ملاقات کی۔ اس موقع پر میڈیا سے گفتگو کرتے ہوئے کہا کہ فرانس کے صدر کی دعوت پر پیرس پہنچا اور آئی ایم ایف ایم ڈی سے دوستانہ ماحول میں ملاقات ہوئی۔
انہوں نے کہا کہ ایم ڈی آئی ایم ایف کو بتایا کہ تمام شرائط مکمل کر چکے ہیں جس پر ایم ڈی آئی ایم ایف نے کہا کچھ مسائل پر بات کرنا چاہتے ہیں۔
یہ بھی پڑھیں:
وزیر اعظم نے کہا کہ اب آئی ایم ایف پروگرام بورڈ میں جا کر منظور ہونا چاہیے اور سب مل کر دعا کریں کہ جلد آئی ایم ایف کے ساتھ معاملات طے پائیں۔
انہوں نے کہا کہ وزیر خزانہ اسحاق ڈار سے ابھی رابطہ ہوا ہے اور وہ پاکستانی ٹیم کی قیادت کریں گے، اسحاق ڈار اورآئی ایم ایف کی ٹیم سے رابطے میں ہوں۔