سعودی عرب میں مناسک حج کا آغاز ہوگیا۔ مسجد الحرام میں لاکھوں عازمین حج منیٰ کی خیمہ بستی میں آباد ہو گئے۔
عازمین حج کے لئے وہاں خیمہ بستی بسائی گئی ہے،رات عازمین منیٰ میں ہی بسر کریں گے۔
بروز منگل نماز فجر کی ادائیگی کے بعد منیٰ سے عازمین حج میدان عرفات کی جانب روانہ ہو جائیں گے، منگل کو ہی حج کا رکن اعظم ”وقوف عرفہ“ ادا کیا جائے گا، سورج ڈھلنے کے بعد حاجی مزدلفہ کے لیے روانہ ہوں گے۔
کورونا کے بعد دنیا بھر سے 16 لاکھ سے زائد عازمین حج کی ادائیگی کے لئے سعودی عرب پہنچے ہیں، حج کی ادائیگی کیلئے اس سال ایک لاکھ 57 ہزار پاکستانی عازمین حجاز مقدس پہنچے ہیں۔