اسلام ایک ایسا دین ہے کہ اگر اسے صحیح سے اور سچے دل سے پڑھا اور سمجھا جائے تو دنیا میں کوئی ایسا شخص باقی نہ رہے گا جو اللّٰہ، رسول اور اسکی کتاب پر ایمان نہ لائے۔
ایسا ہی کچھ اس روسی سیاح کے ساتھ ہوا، جو استنبول صرف سیر و سیاحت کی غرض سے گیا تھا اور تحفے میں اسلام مل گیا۔
غیر ملکی خبر کے مطابق، ترکیہ کی تاریخی مسجد "آیا صوفیا" کی سیاحت پر آئے روسی سیاح نے صحیح بخاری کا درس سننے کے بعد مسلمان ہونے کا فیصلہ کرلیا۔
روسی سیاح کے کلمہ پڑھ کر مسلمان ہونے کی ویڈیو ترکیہ اردو نے اپنے ٹوئٹر اکاؤنٹ پر شیئر کی۔
وائرل ہونے والی اس ویڈیو میں دیکھا جا سکتا ہے کہ آیا صوفیا کے امام ایک روسی سیاح کو کلمہ پڑھا رہے ہیں، شہادت دینے کے بعد روسی سیاح کا نام احمد دنیز رکھا گیا۔
دراصل روسی سیاح جس وقت تاریخی مسجد آیا صوفیا کو دیکھنے پہنچے تھے اس وقت وہاں صحیح بخاری کا درس جاری تھا اسلیئے وہ بھی با ادب ہو کر بیٹھ گئے اور درس سننے لگے۔
انہوں نے بخاری کا درس سنا تو اسلامی تعلیمات سے متاثر ہوکر مسلمان ہونے کا فیصلہ کرلیا۔ اور اپنی خواہش کا اظہار امام مسجد سے کیا، اور پھر کلمہ پڑھ کر اللہ کی وحدانیت اور حضرت محمد صلی اللہ علیہ وسلم کے آخری بنی ہونے کا دل سے اقرار کیا۔