وینیزویلا جرائم کے لحاظ سے خطرناک ترین ممالک کی فہرست میں پہلے نمبر پر جبکہ قطر میں جرائم کی شرح دنیا بھر میں کم ترین سطح پر ہے۔سماجی رابطے کی ویب سائٹ ٹوئٹر پر اعدادوشمار جاری کرنے والی ویب سائٹ ورلڈ آف اسٹیٹسٹکس کی طرف سے یہ فہرست جاری کی گئی۔ یہ فہرست میں دنیا بھر کے ممالک کی جرائم کی شرح کے لحاظ سے مرتب کی گئی ہے۔
فہرست کے مطابق جنوبی امریکی ملک وینیزویلا سرفہرست جبکہ پاپوا نیو گنی خطرناک ترین ممالک کی فہرست میں دوسرے نمبر پر ہے۔ ایشیائی ملک افغانستان دنیا بھر میں تیسرا خطرناک ترین ملک ہے۔ چوتھے نمبر پر ہیٹی، پانچویں پر جنوبی افریقہ اور چھٹے نمبر پر ہونڈورس کو رکھا گیا ہے۔
ایشیائی ممالک کی بات کی جائے تو بنگلہ دیش کو بیسویں، ایران 56 ویں، قازقستان 72 ویں اور انڈونیشیا کو 75 ویں نمبر پر رکھا گیا ہے۔ اسی طرح پڑوسی ملک بھارت 81 جبکہ پاکستان 85 نمبر کے ساتھ دنیا کا خطرناک ترین ملک ہے۔
خلیجی ممالک کی بات کریں تو سعودی عرب 133 ویں، متحدہ عرب امارات 143 ویں اور قطر فہرست میں 144 ویں نمبر پر موجود ہے۔