یوں لگتا ہے جیسے دنیا بھر میں پاکستانی مردوں کی قدر کچھ زیادہ ہی بڑھ گئی ہے۔ ابھی بھارت سے گھر بار تیاگ کر انجو دیربالا کے نصراللہ سے شادی کرنے آئی ہی تھیں کہ کل چینی خاتون بھی پاکستان آگئیں۔ اتنا ہی نہیں بلکہ 36 سالہ نیکولی آناراگلسالوس بھی نارتھ امریکہ سے چارسدہ پہنچ گئیں اور اسلام قبول کر کے اکرام اللہ سے نکاح کرلیا۔
اس شادی اور امریکہ سے چارسدہ آنے والی خاتون نے اسلام قبول کر کے اپنا نیا نا نورین رکھا ہے۔ چونکہ ان کا تعلق نارتھ امریکہ سے ہے اس لئے اکرام اللہ کا کہنا ہے کہ وہ اسپینش زبان بولتی تھیں جو اکرام کو سمجھ نہیں آتی تھی اور وہ گوگل ٹرانسلیٹ کے ذریعے ان سے بات کرتے تھے۔
جبکہ نورین کا کہنا ہے کہ وہ پاکستان آ کر بہت خوش ہیں اور اسلام اپنی مرضی سے قبول کیا ہے۔ وہ پاکستانی رہن سہن اپنانا چاہتی ہیں۔ چونکہ وہ امریکہ میں موبائل کمپنی میں منیجر تھیں اس لئے شوہر کو آئی فون 14 لا کر دیا ہے۔