چین میں پہلی ہوا میں تیرنے والی مونو ریل ٹرین ٹرین متعارف کرادی گئی ہے جس کو چلانے کے لیے انسانوں کی ضرورت نہیں پڑتی۔
چین کے شہر ووہان میں متعارف کرائی جانے والی ٹرین کو پہلے مرحلے میں عوام کے لیے کھولا گیا ہے ، فضا میں معلق نظر آنے والی مونو ریل ٹرین 60 کلو میٹر فی گھنٹہ کی رفتار سے سفر کرے گی۔
اس ٹرین کا تمام تر آپریشن جیسے چلنا، اسٹیشنز پر رکنا یا دروازے کھلنا وغیرہ مکمل طور پر آٹومیٹک ہے اور اس کے لیے انسانوں کی ضرورت نہیں، ابتدائی مرحلے میں اس ٹرین پر 220 افراد 10 کلو میٹر سے زائد فاصلے تک اس ٹرین پر سفر کر سکیں گے۔
یہ ٹرین مقناطیسی نظام کے تحت سفر کرے گی یعنی ٹرین پٹری کے مقناطیسی میدان پر ہوا میں معلق ہوکر چلتی ہے۔ٹریک کے لیے طاقتور مقناطیس استعمال کیے گئے ہیں جس سے ٹرین ہوا میں تیرتی ہوئی محسوس ہوتی ہے۔
آپٹکس ویلی ٹریک کمپنی ٹرین کو چلا رہی ہے، کمپنی کا کہنا ہے کہ ٹرین ایک سنگل لائن پر معلق نظر آتی ہے اور اس پر سفر کرنے والے افراد کو ٹریفک جام جیسے مسئلے سے نجات مل جائے گی اورمسافر ووہان شہر کا منفرد نظارہ کرینگے۔