احتساب عدالت اسلام آباد نے سابق وفاقی وزیر فواد چوہدری کو جوڈیشل ریمانڈ پر اڈیالہ جیل بھیج دیا۔
سابق وزیر کیخلاف جہلم میں تعمیراتی منصوبوں میں خوردوبرد کیس کی سماعت احتساب عدالت کے جج محمد بشیر نے کی۔ فواد چوہدری نے جج محمد بشیر سے مکالمہ کرتے ہوئے پوچھا کہ سر آپ کی طبیعت سنا ہے خراب ہوگئی تھی؟ اب کیسے ہیں؟اخبار میں تو کافی کچھ لکھا تھا۔جج نے کہا کہ میں ٹھیک ہوں، بس اخبار والے ایسے ہی خبر بنا دیتے ہیں۔
توہین الیکشن کمیشن کیس ، عمران خان اور فواد چوہدری پر فرد جرم عائد
وکیل صفائی عامر عباس نے کہا کہ میرے موکل سابق وفاقی وزیر اور وکیل بھی ہیں، جیل میں بی کلاس دی جائے۔ جس پر جج نے کہا کہ میں فواد چوہدری کے لیے جیل میں بی کلاس کا لکھ دوں گا۔ وکیل عامر عباس نے جج سے مکالمہ کرتے ہوئے کہا کہ فواد چوہدری کو الیکشن سے ناک آؤٹ کر دیا گیا ہے، جیل میں ملاقات کے لیے درخواست دی اس پر آرڈر کر دیں۔
عمران خان ، شاہ محمودقریشی ،فواد چودھری، حبا فواد ،پرویز الہٰی اور صنم جاوید الیکشن کیلئے نااہل قرار
جج نے سوال کیا کہ ملاقات ہو نہیں جاتی اڈیالہ جیل میں؟وکیل نے کہا کہ نیب کا ماحول اور تھا، جیل میں مسائل آتے ہیں۔ جج نے مسکراتے ہوئے جواب دیا کہ پھر ایسا کرتے ہیں فواد چوہدری کو نیب میں رہنے دیتے ہیں۔