وزارت داخلہ نے ملک کے مختلف شہروں میں انٹرنیٹ جزوی طور پرمعطل رکھنے کا فیصلہ کیا ہے۔
وزارت داخلہ کا کہنا ہے کہ امن وامان کی صورتحال قائم رکھنے کے لیے حفاظتی اقدامات ناگزیر ہیں،ملک بھر میں موبائل سروس کو عارضی طور پر معطل کرنے کا فیصلہ کیا گیا ہے۔
نواز شریف ہی وزیراعظم ہونگے،برطانیہ کے بعد امریکی و روسی میڈیا کی بھی پیشگوئی
قبل ازیں وفاقی دارالحکومت اسلام آباد اور راولپنڈی کے مختلف علاقوں میں انٹرنیٹ سروس ڈائون ہوگئی ہے۔کراچی کے مختلف علاقوں میں بھی موبائل فون سروس جزوی طور پر متاثر ہونا شروع ہوگئی ۔
اس سے قبل پی ٹی اے نے یہ واضح کیا تھا کہ آج ملک بھر میں عام انتخابات کے موقع پر انٹرنیٹ کی سہولت حاصل رہے گی، کہیں بھی انٹرنیٹ کی بندش نہیں ہوگی ۔
الیکشن 2024اور انٹرنیٹ کی بند ش کے حوالے سے پاکستان ٹیلی کمیونیکیشن نے وضاحت کی ہے کہ حکومت پاکستان الیکشن کے دن انٹرنیٹ بند نہیں کرے گی۔
میں الیکشن نہیں لڑ رہا، ابرار الحق نے وضاحت کردی
پی ٹی اے نے اس بات کی تصدیق کی ہے کہ انتخابات کے دن انٹرنیٹ کی سہولت صارفین کو میسر ہو گی، انٹرنیٹ بغیر کسی رکاوٹ کے کام کرے گا ۔
دوسری جانب وزارت داخلہ میں عام انتخابات 2024 کے دوران ملک کی مجموعی سکیورٹی کی صورتحال کی نگرانی کے لئے قائم کنٹرول روم ہمہ وقت آپریشنل رہے گا اور سکیورٹی صورتحال کی نگرانی جاری ہے۔
ناصر راجہ کو اسلام آبادہائیکورٹ میں پیش کر دیا گیا
ترجمان وزارت داخلہ کے مطابق کنٹرول روم میں تمام صوبوں کے محکمہ داخلہ، پولیس اور الیکشن کمیشن سمیت تمام متعلقہ اداروں کے نمائندگان شامل ہیں ۔
صوبائی، علاقائی اور ڈسٹرکٹ کنٹرول رومز کے ساتھ مسلسل رابطہ رکھا جا رہا ہے۔مزید برآں، قانون نافذ کرنے والے اداروں اور دیگر متعلقہ اداروں کے مابین معلومات کے تبادلے کو یقینی بنایا جا رہا ہے۔کسی شکایت یا حادثہ کی صورت میں بروقت ردعمل کو یقینی بنایا جائے گا۔
علاوہ ازیں الیکشن کمیشن نے سوشل میڈیا پر چلنے والی ویڈیو کی سختی سے تردید کی ہے جس میں بیلٹ پیپر پر ٹھپے لگائے جا رہے ہیں۔
بلاول بھٹو کا لاڑکانہ کا دورہ ،شہریوں سے ملاقاتیں ، شہدائے جمہوریت کے مزار بھی پہنچ گئے
الیکشن کمیشن آف پاکستان کی جانب سے کہا گیا ہے کہ اس جعلی ویڈیو کی سختی سے تردید کی جاتی ہے اور واضع کرتا ہے کہ یہ پرانی ویڈیو ہے جس میں بیلٹ پیپر میں بلے کا نشان صاف ظاہر ہے جبکہ بلے کا نشان 2024کے انتخابات میں کسی بھی سیاسی جماعت کو الاٹ نہیں کیا گیا۔
صوبائی الیکشن کمشنر سندھ سے جاری اعلامیہ کے مطابق الیکشن کمشن نے میڈیا سے کہا ہے کہ سوشل میڈیا پر چلنے والی اس طرح کی جعلی اور من گھڑت ویڈیوز اور خبروں پر کان نہ دھریں، عوام کو حقائق پر مبنی خبروں کی فراہمی یقینی بنائیں۔