پشاور: خیبر پختونخوا اسمبلی کے غیر سرکاری غیر حتمی نتائج کا سلسلہ جاری ہے۔ خیبر پختونخوا کے ابتدائی نتائج میں آزاد امیدوار سب سے آگے ہیں۔
عام انتخابات میں پولنگ کے بعد ووٹوں کی گنتی کا عمل جاری ہے، خیبر پختونخوا کی صوبائی نشستوں کے نتائج کی آمد کا سلسلہ جاری ہے۔ الیکشن کمیشن حکام کی جانب سے سرکاری نتائج دینے کا سلسلہ جاری ہے۔
پی کے 3:
خیبر پختونخوا اسمبلی کی نشست پی کے 3 سوات کے 76 پولنگ اسٹیشنز کے جاری کردہ نتائج کے مطابق آزاد امیدوار میاں شرافت علی 25170 ووٹ لے کر پہلے نمبر اور مسلم لیگ ن کے ملک جہانگیر 11774 ووٹ لے کر دوسرے نمبر پر ہیں۔
پی کے 4:
صوبائی اسمبلی کی نشست پی کے 4 سوات سے آزاد امیدوار علی شاہ نے 30022 ووٹ حاصل کر کے میدان مار لیا جبکہ مسلم لیگ ن کے امیدوار سردار خان 12514 ووٹوں کے ساتھ دوسرے نمبر پر رہے۔
پی کے 6:
خیبر پختوںخوا کی نشست پی کے 6 سوات میں آزاد امیدوار فضل حکیم خان نے 25 ہزار 330 ووٹوں کے ساتھ میدان مار لیا۔ پی ٹی آئی پارلیمنٹرینز کے افتخار احمد 19 ہزار 422 ووٹ لے کر دوسرے نمبر پر رہے۔
پی کے7:
پی کے 7 سوات سے آزاد امیدوار امجد علی 25129 ووٹوں کے ساتھ کامیاب قرار پائے ہیں جبکہ پی ٹی آئی پی کے امیدوار حبیب علی شاہ 13917 ووٹوں کے ساتھ دوسرے نمبر پر آئے۔
پی کے 19:
صوبائی اسمبلی کی نشست پی کے 19 سے آزاد امیدوار حمید الرحمان 23044 ووٹوں کے ساتھ کامیاب قرار پائے ہیں جبکہ آزاد امیدوار خالد خان 13571 ووٹوں کے ساتھ دوسرے پر آئے۔
پی کے 25:
پی کے 25 بونیر کی نشست پر بھی آزاد امیدوار نے میدان مار لیا۔ آزاد امیدوار ریاض خان 28490 ووٹ لے کر کامیاب قرار پائے جبکہ جمعیت علمائے اسلامی کے فضل غفور 12702 ووٹ لے کر دوسرے نمبر پر ہیں۔
پی کے 26:
صوبائی اسمبلی کی نشست پی کے 26 بونیر سے آزاد امیدوار سید فخر جہان 26782 ووٹوں کے ساتھ کامیاب قرار پائے جبکہ جماعت اسلامی کے ناصر علی 15216 ووٹوں کے ساتھ دوسرے نمبر پر رہے۔
پی کے 34:
صوبائی اسمبلی کی نشست پی کے 34 بٹگرام سے آزاد امیدوار 13501 ووٹ حاصل کر کے پہلے نمبر پر رہے جبکہ جمعیت علمائے اسلام کے شاہ حسین خان 11628 ووٹوں کے ساتھ دوسرے نمبر پر آئے۔
پی کے 45:
پی کے 45 ایبٹ آباد سے آزاد امیدوار مشتاق احمد غنی 50143 ووٹوں کے ساتھ کامیاب قرار پائے جبکہ مسلم لیگ ن کے امیدوار محمد ارشد 27498 ووٹوں کے ساتھ دوسرے نمبر پر رہے۔
پی کے 57:
کے پی کے کی نشست پی کے 57 مردان کے 67 پولنگ اسٹیشنز کے نتائج جاری کر دیئے گئے جس کے مطابق آزاد امیدوار ظاہر شاہ 18 ہزار 466 ووٹوں کے ساتھ پہلے اور اے این پی کے احمد خان بہادر 8256 ووٹوں کے ساتھ دوسرے نمبر پر ہیں۔
پی کے 60:
صوبائی اسمبلی کی نشست پی کے 60 مردان کے 115 پولنگ اسٹیشنز کے نتائج کے مطابق آزاد امیدوار افتخار مشوانی 21 ہزار 705 ووٹوں کے ساتھ پہلے نمبر پر جبکہ اے این پی کے شیر افغان خان 10 ہزار 443 ووٹوں کے ساتھ دوسرے نمبر پر ہیں۔
پی کے 63:
پی کے 63 چارسدہ سے آزاد امیدوار ارشد علی 34395 ووٹوں کے ساتھ کامیاب قرار پائے ہیں جبکہ اے این پی کے شکیل بشیر خان 23423 ووٹوں کے ساتھ دوسرے نمبر پر رہے۔
پی کے 65:
پی کے 65 چارسدہ سے آزاد امیدوار فضل شکور خان 43103 ووٹ لے کر کامیاب قرار پائے جبکہ ان کے مدمقابل جمعیت علمائے اسلام کے محمد احمد خان 18266 ووٹوں کے ساتھ دوسرے نمبر پر رہے۔
پی کے 76:
صوبائی اسمبلی کی نشست پی کے 76 پشاور سے آزاد امیدوار سمیع اللہ خان 18 ہزار 888 ووٹوں کے ساتھ کامیاب قرار پائے ہیں جبکہ عوامی نیشنل پارٹی (اے این پی) کے خوشدل خان 12986 ووٹوں کے ساتھ دوسرے نمبر پر رہے۔
پی کے 77:
صوبائی اسمبلی کی نشست پی کے 77 سے آزاد امیدوار شیر علی آفریدی 30544 ووٹوں کے ساتھ کامیاب قرار پائے ہیں جبکہ جمعیت علمائے اسلام ف کے صفت اللہ 7615 ووٹوں کے ساتھ دوسرے نمبر پر رہے۔
پی کے 81:
خیبر پختونخوا کی صوبائی اسمبلی کی نشست پی کے 81 کے 36 پولنگ اسٹیشنز کے نتائج جاری کر دیئے گئے جس کے مطابق آزاد امیدوار قاسم علی شاہ 11 ہزار150 ووٹوں کے ساتھ پہلے نمبر پر جبکہ عوامی نیشنل پارٹی (اے این پی) کے ارسلان خان 2157 ووٹ لے دوسرے نمبر پر ہیں۔
پی کے 83:
صوبائی اسمبلی کی نشست پی کے 83 کے 57 پولنگ اسٹیشنز کے غیر حتمی غیر سرکاری نتائج کے مطابق آزاد امیدوار مینا خان 19197 ووٹوں کے ساتھ پہلے نمبر پر جبکہ اے این پی کے ثمر ہارون بلور 18566 ووٹوں کے ساتھ دوسرے نمبر پر ہیں۔
پی کے 84:
کے پی کے کی نشست 84 کے 48 پولنگ اسٹیشنز کے نتائج کے مطابق آزاد امیدوار فضل الہیٰ 14506 ووٹوں کے ساتھ سب سے آگے ہیں اور اے این پی کے ملک فرہاد 4933 ووٹوں کے ساتھ دوسرے نمبر پر ہیں۔
پی کے 111:
خیبر پختونخوا کی نشست پی کے 111 کے 101 پولنگ اسٹیشنز کے نتائج جاری کر دیئے گئے جس کے مطابق جمعیت علمائے اسلام (جے یو آئی) کے آفتاب حیدر شاہ 30 ہزار 379 ووٹوں کے ساتھ پہلے نمبر پر جبکہ پی ٹی آئی پی کے احتشام جاوید اکبر 25299 ووٹوں کے ساتھ دوسرے نمبر پر ہیں۔