پاکستان سپر لیگ (پی ایس ایل) کے نویں ایڈیشن کیلئے کوئٹہ گلیڈی ایٹرز نے غیر ملکی کھلاڑیوں کی دستیابی کے حوالے سے اہم معلومات جاری کر دیں۔
کوئٹہ گلیڈی ایٹرز نے سرفراز احمد کی جگہ جنوبی افریقی کرکٹر ریلی روسو کو کپتان مقرر کیا ہے۔
گلیڈی ایٹرز کے ہیڈ آف پلیئر ایکوزیشن نبیل ہاشمی کا کہنا ہے کہ نو منتخب کپتان ریلی روسو جیسن رائے، شیرفین ردرفورڈ، لوری ایونز، اکیل ہوسین اور ول سمیڈ پہلے میچ کیلئے دستیاب ہوں گے تاہم تاہم سری لنکا کے وینندو ہسرنگا کی دستیابی پر اب بھی سوالیہ نشان موجود ہے۔
لنکن اسپنر ہسرنگا کو پاکستان سپر لیگ (پی ایس ایل) کے ابتدائی 5 میچز کھیلنا تھے لیکن افغانستان کے خلاف سیریز کے شیڈول کے باعث وہ ابتدائی 2 میچز کیلئے بھی دستیاب نہیں ہوں گے۔
واضح رہے کہ کوئٹہ اپنا پہلا میچ 18 فروری کو لاہور کے قذافی اسٹیڈیم میں پشاور زلمی کے خلاف کھیلے گی۔