وزیراعلیٰ پنجاب مریم نواز کی جانب سے ہاتھ پیچھے کرنے پر ن لیگ کی رہنما عظمیٰ کاردار کا وضاحتی بیان آگیا ہے۔
سوشل میڈیا پر جاری ویڈیو بیان میں عظمیٰ کاردار کا کہنا ہے کہ سوشل میڈیا پر میرے حوالے سے ایک کلپ چل رہا ہے، جھوٹ کی فیکٹریاں چلانے والے نے یہ کلپ وائرل کیا۔
عظمٰی کاردار نے کہا کہ میں ناشتہ کررہی تھی کہ مریم نواز آگئیں، میں نے جذبات میں آکر مریم نواز کو گلے لگالیا، میرے ہاتھ گندے تھے تو میں نے خود ہی اپنا ہاتھ نیچے کرلیا۔
انہوں نے مزید کہا کہ مجھے جتنی عزت اور پیار مریم سے ملا بتا نہیں سکتی، لوگوں کو تکلیف ہے کہ مجھے ن لیگ کا ٹکٹ کیسے مل گیا۔
سوشل میڈیا پر مریم نواز اور عظمیٰ کاردار کی ایک ویڈیو وائرل ہو رہی ہے جس میں دیکھا جا سکتا ہے کہ عظمی کاردار مریم نے گلے ملتی ہیں کہ اس موقع پر وہ ان کا ہاتھ جھٹک دیتی ہیں۔