ریاض ۔27فروری (اے پی پی):سعودی عرب کے ولی عہد شہزادہ محمد بن سلمان بن عبدالعزیز سے روسی فیڈریشن کی وفاقی اسمبلی ڈوما کے چیئرمین ویاچسلاو وولڈن ملاقات کی ۔
ایس پی اے کے مطابق ریاض میں دونوں رہنماوں نے دوستانہ تعلقات اور پارلیمانی تعاون کے امکانات کا جائزہ لیا گیا اور مشترکہ دلچسپی کے امور بھی زیر غور آئے۔اس موقع پر سعودی وزیر توانائی شہزادہ عبدالعزیز بن سلمان بن عبدالعزیز ، وزیر نیشنل گارڈ شہزادہ عبداللہ بن بندر بن عبدالعزیز ، مجلس شوری کے چیئرمین شیخ ڈاکٹر عبداللہ بن محمد آل الشیخ ، وزیر مملکت اور رکن کابینہ ڈاکٹر مساعد بن محمد العیبان اور روس میں سعودی عرب کے سفیر عبدالرحمان الاحمد بھی موجود تھے۔