جدہ۔2مارچ (اے پی پی):سعودی عرب کے شاہ سلمان مرکز کی جانب سے یوکرینی متاثرین کے لیے 11 واں امدادی طیارہ پولینڈ پہنچ گیا۔
سعودی خبررساں ایجنسی کے مطابق یوکرین جنگ کے متاثرین کی امداد کے لیے شاہ سلمان مرکز کی جانب سے امدادی سامان ارسال کرنے کا سلسلہ جاری ہے۔مرکز کے تحت اب تک 10 طیارے یوکرینی سرحد سے قریب ترین پولیش کے زوزوف ایئرپورٹ پرپہنچ گئے ہیں جبکہ گزشتہ روز11 واں طیارہ 80 ٹن سامان لے کر پولیش کے ہوائی اڈے پر لینڈ کرگیا ہے۔واضح رہے شاہ سلمان مرکز کی جانب سے پولینڈ کے متاثرین کو ارسال کی جانے والی امداد وہاں لوگوں کی ضروریات کو دیکھ کرروانہ کی جاتی ہے۔