جکارتہ۔9مارچ (اے پی پی):انڈونیشیا کے علاقے پیسیسیر سیلاتن میں سیلاب اور لینڈ سلائیڈنگ کے نتیجے میں 10 افراد ہلاک اور 10 لاپتہ ہو گئے ہیں ۔شنہوا کے مطابق پیسیسیر سیلاتن میں ڈیزاسٹر مٹیگیشن ایجنسی کے سربراہ ڈونی گسریزال نے میڈیا کو بتایا کہ شدید بارشوں کے باعث آنے والے سیلاب سے 20,000 سے زیادہ گھر زیرآب آگئے اور 8پل ٹوٹ گئے ہیں ۔
انہوں نے بتایا کہ سیلاب اور لینڈ سلائیڈنگ کے باعث کئی دیہاتوں کو ملانے والی سڑک تک رسائی منقطع ہو گئی اور مقامی لوگوں کی بجلی منقطع ہو گئیہے۔انہوں نے مزید بتایا کہ بارش ابھی بھی جاری ہے امدادی کارکن لاپتہ افراد کی تلاش کر رہے ہیں اور طوفانی بارشوں کے درمیان سیلاب اور لینڈ سلائیڈنگ سے متاثرہ افراد کو نکال رہے ہیں۔