اسلام آباد۔11مارچ (اے پی پی):امریکا نے غزہ سے متصل بحر متوسط میں اپنی عارضی بندر گاہ کی تعمیر کے لیے سامان روانہ کر دیا ہے
العربیہ کے مطابق یہ جہاز امریکی صدر جوبائیدن کے اس اعلان کے بعد روانہ کیا گیا ہے جس میں صدر نے کہا تھا کہ غزہ میں انسانی بنیادوں پر امدادی سامان کی ترسیل کا اہتمام بحری راستوں سے بھی کیا جائے گا۔امریکی فوج نےآج اس پیش رفت کے بارے میں باضابطہ طور پر ایک بیان جاری کیا ہے۔پچھلے پانچ ماہ سے زیادہ عرصے سے اسرائیل نے غزہ کی تباہ کر دی گئی پٹی کو مسلسل محاصرے میں لے رکھا ہے اور زمینی محاصرے کے علاوہ اسرائیل کی طرف سے کھڑی کی گئی رکاوٹوں کی وجہ سے غزہ میں انسانی بنیادوں پر امدادی سامان کی ترسیل تقریباً ناممکن ہو چکی ہے۔واضح رہے کہ اقوام متحدہ اس صورت حال کو غزہ میں قحط کا پیش خہمہ قرار دیا ہے۔اس تنا ظر میں امریکا نے تقریبا ایک ہفتہ قبل فضائی راستے سے غزہ میں انسانی بنیادوں پر خوارک گرانے کا اہتمام کیا تھا جس کے تحت پہلے روز 38000 افراد کے کھانا گرایا گیا ۔ بعد ازاں دو روز قبل امریکا کی طرف سے ایک ایئر ڈراپ کے ذریعے 40000 افراد کے لئے کھانا غزہ میں گرایا گیا۔