دنیا بھر کے مختلف ممالک میں جہاں رمضان المبارک کا آغاز ہو چکا ہے وہیں کچھ ممالک میں 12 مارچ سے رمضان شروع ہو گا۔رمضان المبارک میں مسلمان روزے کے دوران خود کو انتہائے سحر سے افطار کے وقت تک کھانے پینے سے روکے رکھتے ہیں اور پوری دنیا میں سحر و افطار کے دورانیے میں بھی فرق پایا جاتا ہے۔اس سال دنیا کے جنوبی ممالک میں رہنے والے مسلمان تقریباً 12 گھنٹے کا روزہ رکھیں گے جبکہ شمالی ممالک میں رہنے والے مسلمان 17 گھنٹے سے زیادہ طویل روزے رکھیں گے۔انٹرنیٹ ویب سائٹ اسلامک فائنڈر کے مطابق دنیا کا طویل ترین روز 17 گھنٹے 52 منٹ کا ہوگا جو گرین لینڈ کے شہر نیوک میں رکھا جائے گا، جبکہ دنیا میں مختصرترین روزہ نیوزی لینڈ کے شہر کرائسٹ چرچ میں رکھا جائے گا جس کا دورانیہ 12 گھنٹے 42 منٹ کا ہو گا۔دنیا کے 10 شہر جہاں روزے کا دورانیہ سب سے طویل ہو گانیوک، گرین لینڈ: 17 گھنٹےریکجاوک، آئس لینڈ: 17 گھنٹےہیلسنکی، فن لینڈ: 17 گھنٹےاوسلو، ناروے: 16 گھنٹےگلاسگو، سکاٹ لینڈ: 16گھنٹےماسکو، روس: 15 گھنٹےبرلن، جرمنی: 15 گھنٹےڈبلن، آئیرلینڈ: 15 گھنٹےایمسٹرڈیم، نیدرلیندز: 15 گھنٹےوارسا، پولینڈ: 15گھنٹےدنیا کے 10 شہر جہاں روزے کا دورانیہ سب سے کم ہو گاکرائسٹ چرچ، نیوزی لینڈ: 12 گھنٹےپورٹو مونٹ، چلی: 12 گھنٹےکینبرا، آسٹریلیا: 12 گھنٹےمونٹیویڈیو، یوراگوئے: 12 گھنٹےبیونس آئرس، ارجنٹائن: 12 گھنٹےجوہانسبرگ، جنوبی افریقہ: 12گھنٹےسیوڈیڈ ڈیل ایسٹ پیراگائے: 12 گھنٹےبرازیلیا، برازیل: 13 گھنٹےمشرق وسطیٰسعودی عرب کے دارالحکومت ریاض میں روزہ 13 گھنٹے 44 منٹ اور اردن کے دارالحکومت عمان میں 14 گھنٹے 15 منٹ کا ہو گا۔ متحدہ عرب امارات کے شہر دبئی میں روزے کا دورانیہ 13 گھنٹے 58 منٹ، شام کے دارالحکومت دمشق میں 14 گھنٹے 19 منٹ اور لبنان کے دارالحکوت بیروت میں دورانیہ 14 گھنٹے 17 منٹ ہو گا۔سوڈان کے درالحکومت خرطوم میں روزے کا دورانیہ 13 گھنٹے 43 منٹ ہو گا، کویت میں 14 گھنٹے 8 منٹ طویل روزہ رکھا جائے گا۔بحرین کے دارالحکومت منامہ میں روزے کا دورانیہ 14 گھنٹے ہو گا۔ اسی طرح سلطنت عمان کے میں 15 گھنٹے اور ایک منٹ بعد روزہ افطار کیا جائے گا۔قطر کے دارالحکومت دوحہ کے شہری 13 گھنٹے 59 منٹ طویل روزہ رکھیں گے جبکہ یمن کے شہر ادن میں روزے کا دورانیہ 13 گھنٹے 35 منٹ ہو گا۔مصر کے دارالحکومت قاہرہ میں 14 گھنٹے 13 منٹ کا روزہ ہو گا جبکہ لیبیا میں 14 گھنٹے 20 منٹ بعد روزہ افطار ہو گا۔جنوبی ایشیادوسری جانب جنوبی ایشیا کے ممالک پاکستان، انڈیا، بنگلہ دیش، افغانستان، بھوٹان، نیپال، مالدیپ اور سری لنکا میں روزے کا دورانیہ 14 گھنٹے ہو گا۔دنیا بھر میں روزے کے دورانیے میں فرق کیسے آتا ہے؟رمضان کے دوران روزے کا دورانیہ جگہ اور وقت کے لحاظ سے مختلف ہوتا ہے۔ خط استوا کے قریب ممالک، جو نقشے کے درمیان پائے جاتے ہیں، میں روزے کا دورانیہ کم ہوتا ہے کیونکہ سارا سال سورج کی روشنی کی مدت زیادہ مستقل ہوتی ہے۔ مثال کے طور پر انڈونیشیا اور ملائیشیا جیسے مسلم ممالک میں روزے کا دورانیہ عموماً 13 سے 14 گھنٹے ہوتا ہے۔خط استوا سے دور شمالی اور جنوبی عرض البلد میں واقع ممالک میں روزے کا دورانیہ طویل ہوتا ہے کیونکہ ان ممالک میں دن کی روشنی کا دورانیہ موسم کے لحاظ سے مختلف ہوتا ہے۔ مثال کے طور پر ناروے میں گرمیوں کے مہینوں میں جب سورج تقریباً پورا دن نظر آتا ہے تو روزہ 20 گھنٹے سے زیادہ طویل رہ سکتا ہے۔وہ ممالک جہاں سورج غروب نہیں ہو گا؟
دنیا کے شمال میں موجود کچھ ایسے ممالک بھی ہیں جہاں سال کے مخصوص ادوار کے لیے سورج دن میں 24 گھنٹے نظر آتا ہے، ایسے ممالک میں مذہبی احکامات ہیں کہ لوگ اپنے روزے کے اوقات کا تعین کرنے کے لیے مکہ، سعودی عرب یا قریب ترین مسلم ممالک کے شیڈول پر عمل کریں۔