بیروت۔12مارچ (اے پی پی):لبنان کے ضلع بعلبک پر اسرائیلی حملوں میں ایک شخص ہلاک اور متعدد زخمی ہو گئے۔ العربیہ اردو کے مطابق بعلبک کے گورنر نے بتایا کہ اسرائیل نے 4 حملے کئے جن میں ایک شخص ہلاک اور متعدد زخمی ہو گئے ۔
انہوں نے بتایا کہ ایک حملے میں بعلبک کے جنوبی دروازے کو نشانہ بنایا گیا، یہ رومی آثار قدیمہ کی یادگاروں سے تقریباً دو کلومیٹر کے فاصلے پر واقع ہے جب کہ تین حملے طاریا اور شمسطار کے درمیان ہوئے جو بعلبک شہر سے تقریباً 20 کلومیٹر مغرب میں واقع ہیں۔