بیجنگ۔12مارچ (اے پی پی):چین، ایران اور روس کی افواج کی 5روزہ بحری مشقیں خلیج عمان میں شروع ہو گئیں۔ چین کی وزارت قومی دفاع نے اعلامیے میں بتایا کہ چین، ایران اور روس کی بحری مشقیں 11سے 15مارچ تک جاری رہیں گی۔
وزارت کے مطابق سکیورٹی بانڈ۔2024 کے نام سے ہونے والی مشقوں کا مقصد سمندری تعاون کو مضبوط بنانا اور علاقائی امن و استحکام کا تحفظ کرنا ہے۔ چین کی بحری فوج چینی پیپلز لبریشن آرمی نیوی نے مشقوں میں حصہ لینے کے لیے3بحری جہاز بھیجے جن میں گائیڈڈ میزائل ڈسٹرائر ارومچی، گائیڈڈ میزائل فریگیٹ لِنی اور جامع سپلائی جہاز ڈونگ پِنگہو شامل ہیں۔