اسلام آباد۔12مارچ (اے پی پی):وفاقی وزیر توانائی ڈاکٹر مصدق ملک نے عہدے کا چارج سنبھال لیا ۔منگل کو وزارت آمد پر سیکرٹری پٹرولیم مومن آغا اوردیگر افسران کی جانب سے وفاقی وزیر توانائی کو خوش آمدید کہا گیا۔
اس موقع پر گفتگو کرتے ہوئے وفاقی وزیر توانائی مصدق ملک نے کہا کہ عوام کی سہولت موجودہ حکومت کی اولین ترجیح ہے ، سحر و افطار کے اوقات میں بجلی و گیس کی فراہمی یقینی بنائی جائے گی۔انہوں نے کہا کہ گردشی قرضے کے پائیدار حل کے لئے تجاویز پر کام شروع کر دیا ہے، گیس و معدنیات کے شعبے میں مقامی و بیرونی سرمایہ کاری کی سہولت کاری کی جائے گی ، مشکل حالات کے باوجود حکومت کی پالیسیوں کا محور صرف عوام ہیں۔ افسران کی جانب سے وفاقی وزیر توانائی کو بریفنگ دی گئی۔