مکہ مکرمہ ۔22مارچ (اے پی پی):مکہ مکرمہ میں رمضان المبارک کے دوران زائرین کو 24 گھنٹے طبی سہولیات کی فراہمی کے لیے 3 ایمرجنسی سینٹر قائم کیے گئے ہیں۔
سعودی خبر رساں ایجنسی کے مطابق پہلا ایمرجنسی سینٹر پہلی منزل پر ملک فہد ایکسٹینشن ،دوسرا ایمرجنسی سینٹر جنازے کی نماز پڑھانے کے لیے مختص جگہ کے قریب پرانے باب الصفا پر جبکہ تیسرا سینٹر پہلی منزل پر اجیاد پل کے ساتھ قائم کیا گیا ہے۔وزارت صحت، الحرمین الشریفین اتھارٹی کے تعاون سےایمرجنسی سینٹرز کے ذریعے زائرین کو رمضان کے دوران فرسٹ ایڈ اور طبی وآگاہی سہولیات کی فراہمی میں اپنا کردار ادا کررہی ہے۔