ریاض۔3مئی (اے پی پی):خادم الحرمین شریفین شاہ سلمان بن عبد العزیز اور ولی عہد شہزادہ محمد بن سلمان نے متحدہ عرب امارات کے شاہی خاندان کے رکن اور اہم عہدیدار شیخ طحنون بن محمد آل نہیان کی وفات پر تعزیت کا اظہار کیا ہے۔ اردو نیوز کے مطابق سعودی قیادت نے امارات کے صدر شیخ محمد بن زاید آل نہیان کو تعزیتی مکتوب روانہ کیے جس میں شیخ طحنون کے اہل خانہ سے ہمدردی کا اظہار کیا گیا۔ سعودی قیادت نے شیخ طحنون کے بلند درجات کی دعا کی ہے۔