سیالکوٹ۔ 29 مئی (اے پی پی):سیالکوٹ پولیس نے جرائم پیشہ عناصر کے خلاف کارروائی کرتے ہوئے 6 ملزمان کو گرفتار کر کے اسلحہ برآمد کر لیا۔
ترجمان سیالکوٹ پولیس کے مطابق ایس ایچ او تھانہ ہیڈ مرالہ سب انسپکٹر کاشف علی کو اطلاع موصول ہوئی کہ موضع درگاہ پور میں2متحرک گروپوں میں فائرنگ جاری ہے جس پر ایس ایچ ا و تھانہ ہیڈ مرالہ نے معہ نفری فوری رسپانس کرتے ہوئے دونوں گروپس کے 6 ملزمان کو گرفتار کر کے بھاری مقدار میں اسلحہ برآمد کر لیا۔اس موقع پر ڈی پی او سیالکوٹ نے کہا کہ سیالکوٹ پولیس کا مقصد جرائم کا خاتمہ اور امن و امان قائم کرنا ہے۔