بجلی کی فی یونٹ قیمت میں ایک ماہ کے لئے معمولی کمی کا امکان ہے، سینٹرل پاور پرچیزنگ ایجنسی کی درخواست پر نیپرا میں آج سماعت ہوگی۔
سی پی پی اے کی جانب ماہانہ فیول پرائس ایڈجسٹمنٹ کی مد میں فی یونٹ 31 پیسے کمی کی درخواست نیشنل الیکٹرک پاور ریگولیٹری اتھارٹی میں دائر کی گئی تھی۔
سی پی پی اے نے درخواست میں موقف اختیار کیا کہ جولائی میں ہائیڈل سے بجلی کی پیداوار 37 فیصد کے قریب رہی، مقامی کوئلے سے بجلی کی پیداوار 10 فیصد سے زائد، درآمدی کوئلے سے 7.64 فیصد رہی۔
بجلی ٹیرف میں اضافہ، سندھ، بلوچستان رائس ملز ایسوسی ایشن کا بجلی بلوں کی ادائیگی روکنے کا فیصلہ
فرنس آئل سے جولائی میں بجلی کی پیداوار بالکل معمولی 0 اعشاریہ 69 فیصد رہی ہے،ماہ جولائی میں قدرتی گیس سے 7 اعشاریہ 93 فیصد جبکہ درآمدی آر ایل این جی سے 20 فیصد کے قریب بجلی پیدا کی گئی۔
جولائی میں نیوکلیئر سے بجلی کی پیداوار 13 اعشاریہ 36 فیصد جبکہ ونڈ سے 3 فیصد تک رہی، حکومت کی جانب سے بجلی کی فی یونٹ قیمت میں ایک ماہ کے لیے معمولی کمی کا امکان ہے۔