12 ربیع الاول کے موقع پر موبائل فون سروس بند ہوگی یا نہیں؟ اس حوالے سے اہم خبر آگئی۔
تفصیلات کے مطابق وزیر اطلاعات پنجاب عظمیٰ بخاری نے پریس کانفرنس کرتے ہوئے کہا کہ عید میلادالنبیْﷺ کو جوش وجذبے سے منائیں گے، سیکیورٹی کی ذمہ داری آر پی او،ڈی پی اوز پر ہوگی، وزیراعلیٰ مریم نواز سیکیورٹی کی خود نگرانی کریں گی۔
عظمیٰ بخاری کا کہنا تھا کہ عیدمیلادالنبی ﷺ خوشی کا موقع ہے ، ریلیاں اورجلوس ختم ہونے تک انتظامیہ گراؤنڈپر موجودہوگی، وزیراعلیٰ کاحکم تھاکہ مساجدوں میں جاکرعلما سے ملاقاتیں کریں۔
انھوں نے کہا کہ صوبےمیں انتظامیہ کی جانب سے بھی لائٹنگ کا انتظام کیا گیا ہے ، جلوس کے شرکا میں حلوہ، مٹھائیاں اورنیازتقسیم کی جائےگی۔
صوبائی وزیر اطلاعات کا مزید کہنا تھا کہ یہ ایساموقع ہےجہاں سیاست کی کوئی گنجائش نہیں، وزیراعلیٰ مریم نوازنےکہاہےجلوس کےشرکاکوتمام سہولتیں دی جائیں، 55ہزارپولیس اہلکارمحافل کوسیکیورٹی فراہم کریں گے.
موبائل فون سروس بند ہونے کے حوالے سے انھوں نے کہا کہ اطلاع کےمطابق موبائل سروس بندکرنےکاکوئی فیصلہ نہیں ہوا، وفاقی حکومت انٹیلی جنس رپورٹ کےمطابق فیصلہ کرتی ہے، پنجاب کےبڑےعلاقوں میں موبائل بندش کی کوئی اطلاع نہیں۔