مخصوص نشستوں کے حوالے سے تفصیلی فیصلہ آنے پر الیکشن کمیشن نے ایک بار پھر سپریم کورٹ سے رجوع کر نے کا فیصلہ کیا ہے۔
ذرائع کا کہنا ہے کہ مخصوص نشستوں کے حوالے سے تفصیلی فیصلے پر الیکشن کمیشن متفرق درخواست دائر کرنے پر غور کر رہا ہے۔
مخصوص نشستوں کیلئے سنی اتحاد نہیں تحریک انصاف اہل ہے ، جسٹس یحییٰ کا اختلافی نوٹ
اس سے قبل سپریم کورٹ کے 12 جولائی کے عبوری فیصلے کیخلاف الیکشن کمیشن کے ساتھ مسلم لیگ (ن) اور پی پی پی کی جانب سے 3 نظرثانی درخواستیں سپریم کورٹ میں دائر ہو چکی ہیں۔
واضح رہے پیر کو عدالت عظمیٰ نے مخصوص نشستوں سے متعلق کیس کا تفصیلی فیصلہ جاری کرتے ہوئے الیکشن کمیشن کو حکم دیا تھا کہ مخصوص نشستوں پر تحریک انصاف کے امیدواروں کو نوٹیفائی کرے۔