پی ٹی اے نے سوشل میڈیا پر جاری بیان میں اعلان کیا ہے کہ فوت شدہ افراد کے نام پر جاری سمز آج سے غیر فعال کر دی جائیں گی، جس کے ساتھ ہی غیر قانونی سمز کے خلاف جاری مہم اپنے تیسرے مرحلے میں داخل ہو جائے گی۔
ترجمان کے مطابق، اہلخانہ کو 15 اکتوبر تک کی مہلت دی گئی تھی کہ وہ فوت شدہ افراد کی سمز اپنے نام منتقل کروا لیں، جبکہ آخری تاریخ پر بھی یہ کارروائی مکمل کر سکتے ہیں۔ سم کی منتقلی کے لیے ضروری دستاویزات میں فوت شدہ کا ڈیتھ سرٹیفکیٹ، خاندانی تعلق کا ثبوت، اصلی سم، اور سم کے زیر استعمال ہونے کی تصدیق شامل ہیں۔
یاد رہے کہ پی ٹی اے نے پہلے مرحلے میں 2017 سے قبل زائد المیعاد شناختی کارڈز پر جاری سمز کو بلاک کر دیا تھا، جبکہ دوسرے مرحلے میں تقریباً 70 ہزار جعلی اور منسوخ شدہ شناختی کارڈز پر جاری سمز کو بند کر چکا ہے۔
غیر قانونی سمز کے خاتمے کے لیے پی ٹی اے کی یہ کڑی مہم عوام کی سیکیورٹی کو بہتر بنانے کی طرف اہم قدم ہے!