بھارتی پنجاب کا دھواں لاہور آرہا ہے ۔۔ مریم نواز کے الزام پر بھارتی وزیراعلیٰ بھگونت مان کا دلچسپ جواب آگیا

وزیر اعلیٰ پنجاب مریم نواز نے لاہور میں اسموگ کی خطرناک صورت حال پر ایک بیان دیا تھا جس میں ان کا کہنا تھا کہ بھارتی پنجاب کا دھواں لاہور آرہا ہے۔

ان کے اس بیان کا بھارتی وزیر اعلیٰ پنجاب بھگونت مان نے دلچسپ جواب دے دیا۔

عام آدمی پارٹی سے تعلق رکھنے والے بھگونت مان نے اپنی تقریر کے دوران بھارتی پنجاب کے دھواں سے متعلق چل رہے معاملے پر دلچسپ انداز اپناتے ہوئے کہا کہ؛

"مریم نواز کہتی ہیں کہ بھارتی پنجاب کا دھواں لاہور آرہا ہے، دوسری طرف دہلی والے کہتے ہیں بھارتی پنجاب کا دھواں دہلی آرہا ہے۔ کیا ہمارا دھواں ہر طرف گھومے ہی جارہا ہے؟"

انہوں نے مزید کہا کہ، بھارتی پنجاب کو آپ لوگوں نے سمجھ کیا رکھا ہے، جو آتا ہے ہم پر ہی الزام لگا دیتا ہے۔

واضح رہے کہ مریم نواز نے 30 اکتوبر کو کہا تھا کہ جب تک پاکستانی اور بھارتی پنجاب مل کر اقدام نہیں کرتے ہم اسموگ سے نہیں لڑسکتے۔