برطانیہ کے شہر شیفیلڈ کی ایک مسجد کے باہر جنگلی چوہے چھوڑنے والے ایک شخص کو جیل بھیج دیا گیا ہے۔برطانوی خبر رساں ادارے انڈیپنڈنٹ کے مطابق 66 سالہ ایڈمنڈ فاؤلر کی شیفیلڈ گرینڈ مسجد کے باہر اپنی گاڑی کے پچھلے حصے سے چوہے نکال رہے تھے جب سی سی ٹی وی کیمروں نے یہ منظر ریکارڈ کر لیا۔ فوٹیج میں چوہوں کو مسجد کی باڑ سے عمارت کے اندر جاتے ہوئے دیکھا جا سکتا ہے۔
فاؤلر سزا سے پہلے مئی اور جون کے درمیان تین بار ایسے کر چکے ہیں۔ انہیں شیفیلڈ مجسٹریٹس کی عدالت نے نسلی طور پر ہراساں کرنے کے چار الزامات کے تحت 18 ماہ قید کی سزا سنائی ہے اور رہائی کے بعد ان کے مزید 18 ماہ تک مسجد کے قریب جانے پر پابندی لگا دی ہے۔
مسجد کے منیجر نے ایک بیان میں کہا کہ کمیونٹی کے افراد ’مزید ہراساں کیے جانے سے خوفزدہ ہیں اور اب مسجد میں آنے سے بہت خوفزدہ ہیں۔‘