صوبہ پنجاب میں ہنگامی حالات سے نمٹنے والے ادارے پی ڈی ایم اے نے دریائے جہلم اور چناب میں نچلے سے درمیانے درجے کے سیلاب کا الرٹ جاری کیا ہے۔ جبکہ راولپنڈی اور گوجرانوالہ ڈویژن میں اربن فلڈنگ کا الرٹ جاری کیا گیا ہے۔ ملک بھر میں مون سون بارشوں کے دوران 26 جون سے اب تک 239 افراد ہلاک ہو چکے ہیں۔
- پاکستان میں قدرتی آفات سے نمٹنے والے ادارے این ڈی ایم اے کے مطابق گذشتہ 24 گھنٹوں کے دوران مون سون بارشوں سے کم از کم 18 افراد ہلاک ہوئے ہیں۔ جبکہ 26 جون سے اب تک ہلاکتوں کی تعداد 239 بتائی گئی ہے۔
- منگل کے روز پاکستان کے وفاقی دارالحکومت اسلام آباد میں تھانہ سہالہ کی حدود میں دو افراد گاڑی سمیت برساتی نالے میں بہہ گئے ہیں جن کی تلاش جاری ہے
- این ڈی ایم اے نے لوگوں کو غیر ضروری سفر نہ کرنے کی ہدایت کی ہے
- گلگت بلتستان کے ضلع چلاس میں سیاحتی مقام پر سیلابی ریلے سے اب تک کم از کم پانچ افراد کی لاشیں نکالی جا چکی ہیں جن میں چار سیاح شامل ہیں۔
راولپنڈی اور گوجرانوالہ ڈویژن میں اربن فلڈنگ کا خدشہ، جہلم اور چناب میں نچلے سے درمیانے درجے کے سیلاب کا الرٹ
