یوٹیوبر سعد الرحمان المعروف ڈکی بھائی نے جوڈیشل مجسٹریٹ کی جانب سے منظور کیے گئے چار روزہ جسمانی ریمانڈ کے خلاف سیشن کورٹ لاہور میں اپیل دائر کر دی۔
رپورٹ کے مطابق ڈکی بھائی نے اپنے وکیل چوہدری عثمان علی کی وساطت سے اپیل دائر کی جسے عدالت نے سماعت کے لیے منظور کر لیا۔
اپیل میں درخواست گزار نے مؤقف اختیار کیا کہ جوڈیشل مجسٹریٹ نے حقائق کا درست جائزہ لیے بغیر جسمانی ریمانڈ منظور کیا اس لیے عدالت اس فیصلے کو کالعدم قرار دے۔
عدالت نے این سی سی آئی اے کو نوٹس جاری کرتے ہوئے یکم ستمبر تک تحریری جواب طلب کر لیا۔
واضح رہے کہ ڈکی بھائی پر الزام ہے کہ وہ اپنی ویڈیوز میں جوئے کی ایپس کو پروموٹ کرتے رہے ہیں۔