بالی وڈ کی لیجنڈری اداکارہ ہیما مالنی نے شوہر اور سپر اسٹار دھرمیندر کی وفات کے بعد ان کی سالگرہ کے موقع پر جذباتی پیغام سوشل میڈیا پر شیئر کیا جس نے مداحوں کو بھی آبدیدہ کر دیا۔
اداکارہ نے دو یادگار تصاویر اپلوڈ کرتے ہوئے لکھا کہ دو ہفتے سے زیادہ گزر چکے ہیں جب آپ مجھے دل شکستہ چھوڑ کر چلے گئے۔ آہستہ آہستہ اپنے وجود کے ٹکڑے سمیٹ کر زندگی کو دوبارہ بنانے کی کوشش کر رہی ہوں یہ جانتے ہوئے کہ آپ ہمیشہ میرے ساتھ ہوں گے۔
ہیما مالنی نے کہا کہ ان کی زندگی کی خوبصورت یادیں کبھی مٹ نہیں سکتیں اور انہی لمحوں کو یاد کرنا انہیں سکون اور طاقت دیتا ہے۔انہوں نے مزید لکھا کہ ساتھ گزارے وقت، محبت اور ہماری پیاری بیٹیوں کے لیے میں خدا کی شکر گزار ہوں۔ میری دعا ہے کہ جہاں بھی ہوں، خوش اور پرسکون ہوں۔
یاد رہے کہ بالی وڈ کے لیجنڈ اداکار دھرمیندر 24 نومبر کو 89 برس کی عمر میں ممبئی میں انتقال کر گئے تھے۔